iPhone 5 និង Nexus 4 គឺសុទ្ធតែជាម៉ូដែលទំនើបៗក្នុងពេលបច្ចុប្បន្ននេះ, ទូរស័ព្ទទាំង ២ នេះបានបង្ហាញនូវ លក្ខណៈសម្បត្តិថ្មីៗរបស់ ប្រព័ន្ធតំណើរការ របស់ខ្លួន ដោយបញ្ជាក់នូវ ល្បឿនយ៉ាងលឿន, មាន Display បង្ហាញបានយ៉ាងល្អ, និងផ្ដល់នូវ ថ្មប្រើប្រាស់បានក្នុងរយៈពេលយ៉ាងយូរ។ ដូច្នេះ ដើម្បីដឹងថា ទូរស័ព្ទមួយណា ជាទូរស័ព្ទដែលល្អនោះ ក្នុងវីដេអូខាងក្រោមនេះ នឹងបង្ហាញអំពីការប្រៀបធៀប ទូរស័ព្ទទាំងពីរនេះ ក្នុងទំរង់ផ្សេងៗ ដូចជា ល្បឿនក្នុងពេល Boot, ល្បឿនក្នុងពេលបើកកម្មវិធី, ល្បឿនក្នុងការប្រើប្រាស់អ៊ីនធឺណែត, ការប្រើប្រាស់កាមេរ៉ា, តំលៃ និងកន្លែងដែលមានលក់ និងចំនុចផ្សេងៗទៀតជាច្រើន។
បើពិនិត្យមើលលើលក្ខណៈសម្បត្តិវិញ iPhone 5 គឺតំណើរការដោយ Apple Dual Core A6 CPU ដែលមានចំនួន Core របស់ GPU ចំនួន ៣, និងមាន RAM 1GB។ ចំនែកឯ Nexus 4 វិញគឺបំពាក់ដោយ ជំនាន់ថ្មីរបស់ Qualcomm គឺ Snapdragon S4 Pro quad-core CPU និងមាន RAM 2GB។ ចំពោះ កំរិតក្នុងការបង្ហាញរបស់ ទូរស័ព្ទទាំងពីរនេះ គឺមានដង់ស៊ីតេ pixel ចំនួន 320 PPI ដែលមានន័យថា អក្សរ និងរូបភាពគឺមានភាពច្បាស់ខ្លាំង នៅលើទូរស័ព្ទទាំងពីរ។ សំរាប់ Nexus 4 គឺមានចំនួន Resolution សរុប 1280×768 ច្រើនជាង iPhone 5 ដែលមានត្រឹមតែ 1136×640។
ទូរស័ព្ទទាំងពីរគឺមាន កាមេរ៉ា 8 Mega Pixels និងមាន Front-Facing Camera សំរាប់ប្រើក្នុង Video Chat។ iPhone 5 មានលក់ក្នុងទំហំ 16, 32 និង 64GB, ចំនែកឯ Nexus 4 វិញគឺមាន 8 និង 16GB។
AppleiPhone 5Nexus 4
