Apple បានប្រកាសនូវ iOS6 ជាសាកល នៅសន្និសិទ្ធសំរាប់ Developers មួយក្នុងខែ មិថុនា ដែលរំពឹងថានឹង ចេញជាផ្លូវការ សំរាប់រដូវស្លឹកឈឺជ្រុះ។ ឥឡូវនេះ iOS6 បានចេញជាផ្លូវការហើយ បើសិនអ្នកពិតជាចាប់អារម្មណ៍អំពី លក្ខណៈសម្បត្តិរបស់ iOS6 សូមធ្វើការអាននូវ លក្ខណៈសម្បត្តិ ដូចខាងក្រោម ទាំងអស់គ្នាណា!
តើមានអ្វីថ្មីសំរាប់ iOS 6?
ពិតជាច្រើនណាស់! ទាំង Siri និង Maps បានទទួលការ Update អោយប្រសើរជាងមុនជាច្រើន។ Siri ឥឡូវនេះអាចធ្វើការឆ្លើយ នូវសំនួររបស់អ្នក អំពី កីឡា, ខ្សែភាពយន្ត និងជាច្រើនទៀត។ សំរាប់ Maps ឥឡូវគឺប្រើប្រាស់ នូវផលិតផលរបស់ Apple ផ្ទាល់ខ្លួន ដែលមានរួមបញ្ចូលនូវ Turn-by-Turn Navigation ស្រាប់។ ចំពោះការ Update ដទៃទៀតមានដូចជា Facebook Integration, កម្មវិធីថ្មីឈ្មោះថា Passbook និងចំនុចដទៃៗ ជាច្រើនទៀត។
តើប្រភេទ iOS devices ណាខ្លះដែលនឹងតំណើការ ជាមួយ iOS 6?
ប្រព័ន្ធតំណើរការ ថ្មីនេះ នឹងតំណើរការ នៅលើ iOS Devices ដូចខាងក្រោម៖
- iPhone 3GS
- iPhone 4
- iPhone 4S
- iPhone 5
- iPad2
- The New iPad
- iPod ជំនាន់ទី ៤ និងទី៥
គួរចំណាំផងដែរថា វត្តមាននៃ Original iPad គឺមិនមាននៅក្នុងតារាងទៀតទេ។ វាគួរអោយភ្ញាក់ផ្អើលដែរថា ចំពោះ Tablet មួយដែលទើបតែចេញ ក្នុងរយៈពេល ២ឆ្នាំតែប៉ុណ្ណោះ ក៏មិនអាចតំណើរការ iOS6 បានដែរ។ តែបើតាមការពិតទៅ Apple បានផ្អាក់ការលក់ Original iPad អស់រយៈពេលជាយូរមកហើយ ដោយសារការរីកចំរើននៃ កម្មវិធីថ្មីៗរបស់ iPad តម្រូវអោយមាន អង្គវិភាគលឿនជាងមុន និងការគណនាក្រាហ្វិក ខ្លាំងជាងមុន ដែលសាកសម្យតែចំពោះ iPad ជំនាន់ក្រោយតែប៉ុណ្ណោះ។ ពីទស្សនវិស័យរបស់ Apple វាជាលើកទី ២ហើយ បន្ទាប់ពី iPhone 3G ដែល លែង Support បន្ត។
តើគ្រប់ devices ទាំងអស់សុទ្ធតែមានលក្ខណៈដូចគ្នាមែនទេ?
មិនទាំងអស់ទេ! iPhone 3GS ខ្វះខាតនូវលក្ខណៈសម្បត្តិមួយចំនួន របស់ iOS6 ដូចជា Flyover រឺក៏ Turn-by-Turn Navigation ដែលមានក្នុង Maps។ ហើយវាក៏មិនមានលទ្ធភាព ក្នុងការ Support Siri, Shared Photo Streams, FaceTime, រឺក៏ Offline Reading List ផងដែរ។ ចំពោះ iPhone 4 វិញក៏មិនអាច Support នូវលក្ខណៈសម្បត្តិមួយចំនួនផងដែរ ដូចជា Flyover រឺក៏ Turn-by-Turn Navigation ដែលមានក្នុង Maps, FaceTime over 3G និង Siri។ ចំនែកឯ iPad 2 វិញគឺខ្វះតែ Siri តែប៉ុណ្ណោះ។
ចុះសំរាប់ the new iPad វិញ?
សំរាប់ The New iPad ក៏ដូចជា iPhone 4S, iPhone 5, និង iPod touch ជំនាន់ទី ៥ គឺសុទ្ធតែអាច Support Siri។
តើពេលណាដែល iOS6 ចេញអោយ Update?
គឺថ្ងៃពុធ ទី ១៩ ខែកញ្ញា ឆ្នាំ ២០១២ នេះហើយ
តើវាមានតំលៃប៉ុន្មានដែរ?
iOS 6 នឹងចេញអោយ Upgrade ដោយមិនគិតថ្លៃ
តើយើងត្រូវការភ្ជាប់ខ្សែ ពី iPhone ទៅកាន់កុំព្យូទ័រដែរទេ សំរាប់ការ Upgrade?
មិនចាំបាច់ទេ! ដោយសារចាប់ពី iOS 5 មកការ Upgrade សំរាប់ iOS devices អាចធ្វើការ Upgrade ដោយមិនចាំបាច់ប្រើខែ្សទៀតនោះទេ (over the air) គឺមិនចាំបាច់មានអន្តរាគមន៍ពីកុំព្យូទ័រនោះឡើយ។ សំរាប់អ្វីដែលបន្ថែមពីនេះ សំរាប់ iOS6 update, គឺអ្នកអាចធ្វើការ download និងតំឡើងផ្ទាល់ពី iOS devices របស់អ្នកតែម្ដង។ ចំពោះអ្នកដែលនៅប្រើ iOS 4, អ្នកនឹងត្រូវការប្រើ iTunes នៅលើកុំព្យូទ័រដើម្បីធ្វើការ Upgrade។
គុណសម្បតិ្តនៅក្នុង ប្រព័ន្ធតំណើការ
តើមានអ្វីដែលមិនរំខានទៀតទេ?
វាជាចំនុចល្អមួយដែរ បើអាចបញ្ជាអោយទូរស័ព្ទរបស់អ្នក ឈប់រំខានអ្នក ដោយសារការរោដ៍ រឺសំលេង ផ្សេងៗ ក្នុងខណៈពេលណាមួយ។ ឥឡូវអ្នកអាច ប្រើ Do Not Disturb ដើម្បីកំណត់ចន្លោះម៉ោងណា ដែលអ្នក មិនចង់ទទួល Notification រឺក៏ការ ខលចូល និងកំណត់អោយ ខលចូលសំរាប់តែមនុស្ស ដែលសំខាន់ដែលអ្នកបានកំណត់នៅក្នុង Favorites របស់អ្នក រឺ ក៏អ្នកដែលខលមកច្រើនដង ក្នុងចន្លោះពេលណាមួយ ដូច្នេះ អ្នកនឹងមិនខកខាន នូវរឿងដែលសំខាន់នោះទេ។
តើវាផ្តល់ភាពងាយស្រួលបន្ថែមអ្វីខ្លះ?
iOS 6 បានរចនាឡើងសំរាប់សិស្ស និស្សិត ដែលមានពិការភាព (ក៏ល្អផងដែរសំរាប់កុមារ) ជាមួយនឹង Guided Access អាចអោយអ្នកកំណត់បិទផ្នែក មួយចំនួន ចេញពីអេក្រង់ និងបិទប៊ូតុងបិទទូរស័ព្ទ, លទ្ធភាពនៃការ Touch មួយចំនួន ឬក៏ motion-based sensors។ ជាមួយនឹងសេវាកម្ម Apple’s VoiceOver ក៏មាននៅក្នុងកម្មវិធី Maps, AssistiveTouch, និង Zoom។ បន្ថែមពីនេះ ក្រុមហ៊ុន Apple កំពុងធ្វើការ ជួយដល់អ្នកផលិត សំភារៈជំនួយការស្ដាប់ (Hearing Aids) ដែលអាចប្រើបានជាមួយនឹង iPhone 4S និង iPhone 5។
ខ្ញុំមានលឺថា មាន Store ចំនួន ៣ នឹងចេញមក, តើពិតដែរទេ?
វាគឺជាការពិតណាស់! Mobile Stores ទាំងបីនោះមានដូចជា iTune Store, App Store និង iBookstore (ទទួលបានការ update អោយមានផ្ទៃពណ៍ខ្មៅ)។ ក្រៅពីការកែប្រែទ្រង់ទ្រាយ និងរូបរាងនៃកម្មវិធី Apple ក៏បានបញ្ជាក់ថាបានបង្កើនល្បឿន និងចំនុចល្អមួយចំនួនទៀត។ គុណសម្បត្តិៗថ្មីដែល Apple បានបញ្ជាក់ រួមមាន ការតំឡើងកម្មវិធី ដោយមិនចាំបាច់លោតចូលទៅកាន់ Home Screen, លទ្ធភាពតំឡើងកម្មវិធី មួយចេញពី កម្មវិធីមួយទៀត, និងលទ្ធភាពក្នុងការតាមដានមើល ប្រវត្តិនៃការតំឡើងកម្មវិធីរបស់អ្នក។ ចំពោះ iTune Store វិញផ្ដល់ភាពងាយស្រួលជាងមុន ក្នុងការ ទិញ ចំរៀង, វីដេអូ និង កម្មវិធី ទូរទស្សន៍ ហើយបានភ្ជាប់ជាមួយនឹងបណ្ដាញសង្គម ដែលអ្នកអាច Like តាម Facebook និង Share បានទាំង Facebook និង Twitter នៅក្នុងទំព័រផលិតផលនីមួយ។
តើមានអ្វីថ្មីសំរាប់ Siri?
Siri បានបន្ថែមនូវ សមត្ថភាពថ្មីមួយចំនួន ដូចជា ឆ្លើយសំនួរទាក់ទងនឹង ពត៍មានកីឡា និងខ្សែភាពយន្ត។ Siri ក៏បានពង្រឹងគុណភាព សំរាប់ពត៍មានដែល ទាក់ទងទៅនឹង ភោជនីយដ្ឋាន, និងសមត្ថភាពក្នុងការស្វែងរកទីតាំង និងទិសដៅនៅក្នុងកម្មវិធី Maps។ លើសពីនេះឥឡូវ អ្នកក៏អាចប្រើ Siri ដើម្បីបើកកម្មវិធីផងដែរ។
ដូចបញ្ជាក់ពីខាងលើស្រាប់ គុណសម្បត្តិគឺមានតែសំរាប់ The New iPad ក៏ដូចជា iPhone 4S, iPhone 5, និង iPod touch ជំនាន់ទី ៥តែប៉ុណ្ណោះ។
អ្នកទាំងអស់គ្នាមានឃើញកម្មវិធី Clock នៅលើ iPad នៅក្នុងរូបភាពខាងលើដែរទេ? តើ iPad ពិតជាមានកម្មវិធី Clocks, Stocks, និង Weather ពិតមែនទេ?
ពិតមែន តែមិនទាំងស្រុងនោះទេ។ សំរាប់ The New iPad គឺមានលទ្ធភាពឆ្លើយនឹងសំនួរដែលទាក់ទងនឹង អាកាសធាតុ, ពត៍មានពីស្តុក និងពេលវេលា ប៉ុន្តែ សំរាប់កម្មវិធីដែលមានវិញ គឺមានតែកម្មវិធី Clock មួយតែប៉ុណ្ណោះ។
តើយើងពិតជាអាចប្រើ FaceTime ដោយប្រើអ៊ីនធីណែតតាមប្រព័ន្ធទូរស័ព្ទ (Cellular) ពិតមែនទេ?
អ្នកអាចប្រើបាននៅក្នុង iOS6 ប៉ុន្តែសំរាប់តែ iPhone 4S, iPhone 5, iPod touch ជំនាន់ទី៥ , និង The New iPad តែប៉ុណ្ណោះ។ កាលពីមុន FaceTime គឺអាចប្រើបានតែតាមរយៈតំណភ្ជាប់ Wi-Fi តែប៉ុណ្ណោះ ប៉ុន្តែសំរាប់ពេលឥឡូវនេះ អាចប្រើបានតាមតំណភ្ជាប់ របស់ប្រព័ន្ធទូរស័ព្ទ (Cellular) បានហើយ ក្នុង iOS6។ ក្រុមហ៊ុន Apple បានបញ្ជាក់ថា FaceTime អាចធ្វើការលើតំណភ្ជាប់ របស់ប្រព័ន្ធទូរស័ព្ទ (Cellular) បានហើយ Apple ក៏បានកែច្នៃ នូវលក្ខណៈសម្បត្តិមួយចំនួនទៀត ដើម្បីអោយវាស៊ីនូវ Bandwidth តូចជាងមុន និងគ្រប់គ្រងលើស្ថានការណ៍ បាត់បង់ទិន្នន័យមួយ ចំនួន ក្នុងពេលបញ្ចូនបានល្អជាងមុន។ បើសិនជាអ្នកបារម្មណ៍ថា ការខលអាចចំនាយច្រើនសំរាប់គំរោងអ៊ីនធឺណែតរបស់អ្នក អ្នកក៏អាចបិទវា បានផងដែរ។
តើមានអ្វីថ្មីសំរាប់កម្មវិធីទូរស័ព្ទវិញ?
ពេលដែលអ្នក មានការ ខលចូលមួយ ហើយអ្នកមិនអាចទទួលបាននោះ អ្នកអាចចុចប៊ូតុងមួយ ដើម្បីធ្វើការផ្ញើសារ ដែលអ្នកបានសរសេរទុក ហើយផ្ញើតាម iMessage ទៅកាន់ Contact ដែលខលចូលនោះ ឬក៏បង្កើត Reminder ដើម្បីតឿនអោយអ្នកខលទៅកាន់ លេខដែលខលមកនោះ នៅពេលក្រោយបាន។ ជាការកំណត់ស្រាប់ក្នុង iOS 6 អ្នកនឹងមាន សារស្រាប់ចំនួន ៣ ហើយអ្នកក៏អាចបង្កើតបន្ថែមទៀត បានផងដែរតាមរយៈ ការកំណត់ក្នុង Setting។
តើមានអ្វីថ្មីនៅក្នុងកម្មវិធី Apple Maps?
ចាប់ពីពេលនេះ គឺចាប់ផ្តើមជាមួយអ្វីដែលថ្មី ដែលមិនពាក់ព័ន្ធទៅជាមួយនឹង Google។ Apple បានផ្ដាច់ខ្លួនចេញពី Google ដែលជាគូប្រជែងរបស់ខ្លួន លើប្រព័ន្ធតំណើការ Android ហើយបង្កើតនូវកម្មវិធី Maps ផ្ទាល់ខ្លួនជំនួសវិញ។
កម្មវិធី Maps ថ្មីនេះផ្ដល់គុណសម្បត្តិថ្មីៗទាំងអស់របស់ផែនទី ជាមួយនឹង គំនូសផែនទីពី Apple ផ្ទាល់តែម្ដង។ កម្មវិធី Maps បានដាក់បញ្ចូល Yelp Local Search ដែលមានដល់ទៅ ១០០ លាន បញ្ជីពាណិជ្ជកម្ម។ វាបានដាក់បញ្ចូលនូវ ពត៍មានចរាចរណ៍ ជាមួយនឹងសម្ថភាពក្នុងការ មើលលំអិត ពីគ្រោះថ្នាក់ចរាចរណ៍ និងផ្លូវកំពុងជួសជុលផងដែរ។ ផែនទីនេះ បង្កើតឡើងដោយប្រព័ន្ធ វិចទ័រ ដូច្នេះអ្នកអាចធ្វើការ ពង្រីក បង្រួម បានយ៉ាងរហ័ស ជាមួយរូបភាពយ៉ាងច្បាស់។ កន្លែងសំខាន់ៗ, សួនច្បារ, និងទីកន្លែងប្រវត្តិសាស្រ្ត ត្រូវបានបង្ហាញដោយរូបតំណាងតូចៗ នៅលើផែនទី ដែលអ្នកអាចមើល ពីពត៏មានលំអិត ក៏ដូចជា ម៉ោងធ្វើការ, រូបភាព, និងមតិពីប្រភពផ្សេងៗ ពី Yelp ដោយគ្រាន់តែចុចលើវា។
ជាមួយនឹងគុណសម្បត្តិថ្មី Turn-by-Turn Direction ដែលអាចធ្វើការបានជាមួយ Siri ផងដែរ អាចនាំអ្នកទៅកាន់ ទិសដៅណាមួយដែលអ្នក ចង់ទៅ។ អ្នកក៏អាចធ្វើការ កំណត់ទិសដៅច្រើនដងបាន ដើម្បីបញ្ជៀសបញ្ហាចរាចរណ៍ ហើយអ្នកក៏អាចសួរពីពត៏មាន ដូចជាហ្គារាសសាំង តាមផ្លូវ បានផងដែរ។
វាក៏មាននូវ គុណសម្បត្តិថ្មី ផងដែរដូចជា Flyover, ម៉ូដែល 3D ដែលអាចអោយអ្នកហោះហើរមើល ទីក្រុងសំខាន់ៗ ជាមួយនឹង យន្តហោះ និង Helicopters.
តើ Apple Maps កន្វះខាតពី អ្វីដែលមានក្នុង Google Maps មានដែរទេ?
Apple Maps មិនមាន Street Viewទេ តែជំនួសមកវិញ Apple បានប្រើប្រាស់ជំនួសមកវិញ នូវ Flyover និង រូបភាព Satellite។ បន្ថែមពីនេះ Apple កំពុងតែធ្វើអ្វីអោយប្លែក ដូចជាការប្រើ ពត៍មានចរាចរណ៍ពី Yelp ជំនួសអោយការប្រើទិន្នន័យរបស់ខ្លួន ដើម្បីធានាថា ពត៍មានចរាចរណ៍ ដែលអ្នកទទួលបានចេញពីប្រភពពត៍មានដែលល្អ និងត្រឹមត្រូវ។
ចុះកម្មវិធី Find My Friends និង Find My iPhone មានអ្វីថ្មីដែរទេ?
ពិតជាមាន។ កម្មវិធី Find My Friends នឹងមាន location-based alerts, ប្រាប់ទៅអ្នក ពេលដែលមិត្តរបស់អ្នក ទៅដល់ រឺចាកចេញពី កន្លែងណាមួយនោះ។ ចំណែកឯ Find My iPhone នឹងមាន Mode ថ្មីដែលបញ្ជាក់ពីការបាត់បង់ (Lost mode) ក្នុងទំរង់នេះ វានឹងបញ្ជាក់ពីទីតាំងដែលវា ស្ថិតនៅ ហើយវាធ្វើការផ្ញើសារមកអ្នក នូវលេទទំនាក់ទំនង អ្នកដែលរើសបានវា ដើម្បីអោយអ្នកទំនាក់ទំនងទៅកាន់អ្នកវិញ។
តើមានអ្វីថ្មីសំរាប់កម្មវិធី Mail នៅក្នុង iOS6 ខ្លះទៅ?
យើងមានការរៀបចំថ្មី បន្ថែម២ ទៀតនៅក្នុងកម្មវិធី MaiL គឺ VIPs និង មែលដែលបាន Flagged។ កាលពីមុន អ្នកប្រើប្រាស់អាចធ្វើការ Flag នូវ អ៊ីមែលបានហើយ ប៉ុន្តែសំរាប់ឥឡូវនេះ អ្នកអាចមើលឃើញ រាល់ Flagged Mail នៅក្នុង Folder តែមួយដែលអោយឈ្មោះថា Flagged។ សំរាប់ មែល VIP វិញក៏ត្រូវបានរៀបចំអោយក្លាយជា Smart Folder ដែលអ្នកអាចទទួល Notification ដោយឡែកអំពី មែល មកពី មនុស្សដែល សំខាន់សំរាប់អ្នក។ VIPs ក៏ត្រូវបាន Sync តាមរយៈ iCloud ដើម្បីធានាថា VIPs នឹងមានដូចគ្នាសំរាប់រាល់ devices របស់អ្នក។
អ្នកក៏អាចបន្ថែមរូបថត រឺវីដេអូពី Camera Roll ទៅកាន់ មែលដោយធ្វើការចុចអោយជាប់ (Tapping and Holding) នៅក្នុងកន្លែងសរសេរ តួសារ នៃមែលរបស់អ្នក។ Apple ក៏បានបន្ថែមនូវ Pull-to-refresh សំរាប់ការ Update ប្រអប់មែលរបស់អ្នក ដូចក្នុង Facebook អញ្ចឹងដែរ។
តើមានអ្វីថ្មីនៅក្នុង Safari?
មានបួនចំនុចដែលថ្មីក្នុង Safari មានដូចជា៖ iCloud Tabs ដែលអាចអោយអ្នកបើកមើលរាល់ គេហទំព័រដែលបាន បើកគ្រប់ Devices របស់អ្នកទាំងអស់ ដែលប្រើប្រាស់ iCloud។ មួយវិញទៀតគឺ Offline Version របស់ Safari Reading List គឺអាចអោយអ្នកអាចអានអត្ថបទ ដោយមិនចាំបាច់ មានតំណភ្ជាប់អ៊ីនធឺណែតនោះទេ។ លទ្ធភាពក្នុងការ Upload រូបភាព និងវីដេអូ នៅក្នុង Web Form។ ហើយនៅក្នុង iPhone និង iPod Touch អាចបើកវេបសាយ ក្នុង Full Screen ពេលអ្នកដាក់ទូរស័ព្ទក្នុងទិសដៅផ្ដេក។
បើអញ្ចឹង iOS 6 នឹង Support Facebook មែនទេ?
ប្រហែលជាអញ្ចឹងហើយ Facebook ក្នុង iOS 6 អាចអោយអ្នកធ្វើការ Post Status តាមរយៈ Notification Center រឺតាមរយៈ Siri។ ក្រៅពីនេះ អ្នកអាចធ្វើការ ចែករំលែក photos, ទីតាំង, និង high scores។ អ្នកក៏អាច link contacts ទៅកាន់ Facebook profiles របស់ពួកគេ។ ហើយអ្នកថែមទាំងអាច Like កម្មវិធី, ចំរៀង, អ៉ាល់ប៊ុម, ភាពយន្ត ពី Apple Store និង iTunes Store។
ជាការបន្ថែម អ្នកអាចធ្វើការ Update នូវ Contacts ដោយការទាញយកពត៍មានពី Facebook Profiles ដើម្បីបំពេញក្នុង រូបថត, លេខទូរស័ព្ទ, និងពត៍មានដទៃទៀត។ អ្នកគ្រាន់តែធ្វើការ ឡុកចូលគណនេយ្យ Facebook តែម្តងប៉ុណ្ណោះ បន្ទាប់មកទៀតកម្មវិធីផ្សេងៗ នឹងអាចប្រើ គណនេយ្យរបស់អ្នកបានហើយ។
ចុះចំណែក photo sharing វិញ?
បើសិនជាអ្នកមាន iCloud account, អ្នកអាចបង្កើត Shared Photo Streams ដើម្បីធ្វើការចែករំលែកទៅកាន់ មិត្តភ័ក្តិ គ្រួសារ របស់អ្នក បានហើយ។ ដោយគ្រាន់តែជ្រើសរើសរូបថត ហើយប្រាប់ iCloud ថាអ្នកថាខ្លះដែលអ្នកចង់ ចែកអោយ ហើយរូបភាពរបស់អ្នក នឹងបញ្ចួនទៅ កាន់ iOS6 devices, កម្មវិធី iPhoto នៅលើ Moutain Lion ដែលតំណើការលើ Macs, Apple TV និងតាមរយៈវេប ដែល មិត្តភ័ក្តិ គ្រួសារ អ្នកអាច ដោនឡូត និងបញ្ចេញមតិបាន។
តើ shared Photo Streams រាប់ចូលក្នុងការកំណត់ទំហំផ្ទុក 5GB របស់ iCloud storage ដែរទេ?
ទេ! ដូចទៅនឹង Photo Stream អញ្ចឹង រូបថតមិនរាប់បញ្ចូលក្នុង iCloud storage របស់អ្នកទេ។
ចុះអ្វីជា Passbook? ហេតុអ្វីខ្ញុំត្រូវប្រើវា?
Passbook គឺជាមធ្យោបាយមួយ សំរាប់អ្នកលក់រាយ, អ្នកលក់សំបុត្រ និងលានយន្តហោះ ធ្វើការចែកនូវ សំបុត្រអេឡិចត្រូនិច និងកាតសមាជិក។ ក្រុមហ៊ុនអាចធ្វើការបង្កើតនូវ Passbook file ដែលអ្នកអាចធ្វើការ ដាក់ចូលក្នុង Passbook app បាន ហើយនៅពេលដែលអ្នក ទៅកាន់ការ ប្រគុំតន្រ្តី ពួកគេអាចធ្វើការ ស្គេន រឺ ធ្វើការចុះឈ្មោះ ដូចទៅនឹង សំបុត្រសន្លឹកធម្មតាអញ្ចឹងដែរ។ នៅលើផ្នែកខាងលើនៃសំបុត្រ អាចប្រាប់ពី ទីតាំង និងពេលវេលាដែល ជើងយន្តហោះ ធ្វើការចេញដំណើរ។
ចុះម្តេចក៏មិនឃើញ កម្មវិធី YouTube អញ្ចឹង?
ខណៈពេលដែលចេញ iOS6 គឺក្រុមហ៊ុន Apple និង Google ផ្ដាច់ភាពជាដៃគូ ដូចច្នេះហើយអ្នក លែងមានកម្មវិធី Youtube ស្រាប់ក្នុង iOS ទៀតហើយ។ តែអ្នកនៅតែ អាចចូលទៅកាន់ Safari ហើយបើកវេបសាយ និងមើលវីដេអូពី Youtube បានដូចធម្មតា។
បើសិនអ្នកប្រើ iPhone រឺ iPod Touch អ្នកអាចដោនឡូតកម្មវិធី Youtube ដែលបង្កើតដោយ Google ពី App Store បានដោយមិនគិតថ្លៃ។
ខ្ញុំលឺថា Siri មានបន្ថែមភាសាថ្មីៗ បន្ថែមទៀត តើមានភាសាអ្វីខ្លះទៅ?
ជាការបន្ថែមទៅកាន់ភាសា អង់គ្លេស (U.S, U.K. និង Australia), German, French, and Japanese, ឥឡូវ Siri អាចនិយាយភាសា Canadian English និង French; Spain, Mexico, និង U.S. Spanish dialects; Italian; Italian, French, and German in Switzerland; Korean; Mandarin in Taiwan; Cantonese នៅ Hong Kong; និង Mandarin និង Cantonese សំរាប់ mainland China។
ខ្ញុំលឺគេថា មានគុណសម្បត្តិថ្មីៗ សំរាប់អ្នកប្រើប្រាស់នៅប្រទេសចិន?
មានច្រើនគួរសមដែរ ដែលមានដូចជា ពង្រឹងមធ្យោបាយក្នុងការ វាយភាសាចិន និងការបន្ថែមវចនានុក្រមភាសាចិន ដើម្បីអោយការវាយ មានភាព ងាយស្រួល និងត្រឹមត្រូវជាងមុន។ អ្នកអាចវាយចំរុះគ្នាទាំង ពាក្យអក្សរកាត់ Pinyin និង ភាសាអង់គ្លេស ដោយមិនចាំបាច់ ធ្វើការប្ដូរ Keyboard។ វាក៏បានបង្កើនចំនួនទ្វេដង សំរាប់ការសរសេរអក្សរដោយដៃ។ វាក៏អនុញ្ញាតអោយអ្នកធ្វើការបន្ថែមពាក្យ ចូលក្នុង វចនានុក្រមផ្ទាល់ខ្លួន ហើយធ្វើការ Sync ដោយស្វ័យប្រវត្តិ តាមរយៈ iCloud។
បន្ថែមពីនេះ Apple ក៏បានបន្ថែមនូវ សេវាកម្មផ្សេងៗនៅក្នុងប្រទេសចិន រួមបញ្ចូលទាំង Baidu សំរាប់ជំរើសជា Search Engines និងលទ្ធភាពក្នុងការ ចែករំលែកវីដេអូ តាមរយៈ Youku និង Tudou និងធ្វើការ Post ទៅកាន់ សេវា Microblogging នៅប្រទេសចិន ដូចជា Sina, Weiboជាដើម។
ចុងក្រោយតើលក្ខណៈសម្បត្តិទាំងអស់សុទ្ធតែ មានក្នុងប្រទេសកម្ពុជាមែនទេ?
ទេ មិនទាំងអស់ទេ! បច្ចុប្បន្ននេះ Apple កំពុងព្យាយាមពង្រីក ដែនសេវាកម្មរបស់ខ្លួន ដូចដែលបានឃើញស្រាប់កាលពី ខែមីនា Apple បានប្រកាសជាផ្លូវការថា ប្រទេសកម្ពុជា បានដាក់បញ្ចូលទៅក្នុង iTunes Store ដែលបញ្ជាក់ថា អ្នកដែលស្ថិតក្នុងប្រទេសកម្ពុជា មានសិទ្ធិក្នុងការបង្កើត នូវគណនេយ្យ សំរាប់ iTunes Store ដោយប្រើប្រាស់ ពត៍មានអាស័យដ្ឋានក្នុង ប្រទេសកម្ពុជា ជាពិសេសគឺអាចប្រើនូវ កាតឥណទាន ប្រភេទ Visa រឺ Master ដើម្បីធ្វើការ ទិញនូវកម្មវិធី រឺហ្គេមចេញពី App Store, iTunes Store និង iBook Store បាន។
ខាងក្រោម ជារូបភាពដែលបញ្ជាក់ពី លក្ខណៈសម្បត្តិនៃ iOS 6 ដែលមានសំរាប់ប្រទេសកម្ពុជា៖
អ្នកអាចមើលនូវ លក្ខណៈសម្បត្តិសំរាប់ប្រទេសនីមួយៗ បាននៅលើវេបសាយ Apple បានដោយចូលទៅកាន់ ទីនេះ។
ម៉េងហ្គោសូមអភ័យទោស បើសិន អត្ថបទខាងលើមាន ពាក្យត្រង់ណា ដែលបានសរសេរមិនត្រឹមត្រូវ ឬកំហុសផ្នែកផ្សេងៗ ហើយ បើសិនអ្នករកឃើញ សូមមេត្តាបញ្ជេញ មតិខាងក្រោមដើម្បីអោយ យើងខ្ញុំធ្វើការកែតម្រូវសារជាថ្មី។
ប្រភព MacWorld
AppleiOS 6Reviews
